Lawas sa Babaye wala madugta sulod sa 13 ka Tuig

Usa ka lawas sa usa ka babaye ang wala madugta sud sa 13 ka tuig. Si Remedios Padilla gilubong niadtong Hulyo 25, 2000 sa Calamba Public Cemetery. Sa dihang gihabwa wala madugta ang lawas niini.
Naukay ang mga tawo sud sa sam-ang dihang ilang nakita nga intact pa ang lawas ni Remedios Padilla, kinsa namatay sa sakit nga diabetes niadtong Hulyo 25, 2000 sa pangidaron nga 63-anyos.
Unang nakakita sa kahimtang sa lawas si Emmanuel Larena, caretaker sa musoleyo sa banayng Padilla, sa nahisgutang sementeryo.
Gipaugkat ang lawas ni Padilla kauban ang mga bukog sa laing pito pa ka mga sakop sa banay tungod kay ibalhin sa Cebu Evergreen Memorial Park sa South Coastal Highway, dakbayan sa Talisay.
Si Provincial Board Member Grecilda “Gigi” Sanchez-Zaballero misaysay nga kumpleto pa ang lawas sa iyang iyaan apan nadunot na ang lungon nga gisudlan.
“Wala gyud siya nadugta, naka-lipstick pa siya,” asoy ni Zaballero dihang nahinabi sa Sun.Star Superbalita kagahapon.
Si Remedios, manghod sa iyang inahan nga si Leonarda Padilla Sanchez, asawa ni anhing Bise Gobernador Greg Sanchez.
Usa ka embalsamador sa usa ka inila nga pune­rarya apan nihangyo nga di magpahingan
nipasabot nga di o dugay madugta ang lawas sa tawo kon hugot ang pagkasira sa lungon, klase sa lungon, way hangin nga makasud ug sa pagkaembalsamar.
“Kon masudlan na og hangin ang lungon unya mo-moist, diha madugta ang lawas. Depende man sad na sa klase sa lungon,” nagkanayon ang embalmer sa Sun.Star Superbalita.
Si Dr. Rene Cam, medico-legal officer sa National Bureau of Investigation sa samang report sa Balitang Bisdak niingon nga daghang rason kon nganong wa madugta ang lawas sa tawo.
“If the air is dry, if the soil is dry, there are no bacteria that will cause decomposition,” suma pa niini.
Adunay pipila ka mga santos sa Simbahang Katoliko kansang mga lawas ang wa usab madugta bisan og 500-1,000 ka tuig na ang gidugayon sa pagkamatay sama nila ni Sr. San Roque, Sta. Rita, St. Francis Xavier ug uban pa.
reference: sunstar.com.ph
Previous
Next Post »